Оңтүстік Қазақстанда үлкен базар 12 минутта күлге айналған
Оңтүстік Қазақстан облысының Мақтарал ауданында үлкен базар өртке оранды. Шағымданушылардың сөзінше, Атакенттегі сауда қатарлары, дүңгіршіктер мен төрт дүкені бар орталық базар бар-жоғы 12 минутта-ақ күлге айналған.
Мақтарал ауданының Атакент елдімекенінде жергілікті тұрғындар сауда жасайтын жалғыз базар әп-сәтте күлге айналған. Тілсіз жауды көзімен көргендер, өрттің қою қара түтінінен санаулы минуттарда тауар толы сауда қатарлары көрінбей қалды дейді. Миллиондардың тауары желге ұшты дегендердің саны қырыққа жуықтайды.
-Мұндай жағдай болмаған, халыққа ауыр болды. Барлығы қарызда міне.
Сатушылардың енді бірі болса, өрт қойылар алдында ұрлық болған дегенді алға тартады. Оған негіз өртенген заттың күлі де ізі де жоқ дейді.
Базар сатушысы:
- Менікі бірінші ұрланған. Ұрланғаннан кейін жағып жіберген.
Базар сатушысы:
Базар әкімдігі шығынды әлі есептеген жоқпыз дейді. Өрттің неден шыққаны белгісіз. Сондықтан сараптаманың қорытындысын күтеміз деп тұрғындарды сабырға шақырды. Енді не істейміз, қайда барамыз дегендерге базарды қайта тұрғызып, сатушыларға ақшалай жәрдем көрсетеміз деді.
АМАНГЕЛДІ ДАНИЯРОВ, Базар басшысы:
- Көрсетіледі. Базарды қайтадан восстановить етеміз. Көмек береміз ғой.
- Қандай көмек?
- Ақша.
Өрт сөндіретін 6 көлік бірнеше сағат өртпен алысқан. 23 киім сату орны, 30 азық-түлік нүктесі, төрт аралас дүкен жермен-жексен болған. Жәбірленгендер қорғаушы да жалдапты. Алайда саудагерлердің құқын қорғауға кіріскен адвокат Бақыт Дүйсенбиев белгісіздерден қорқыту хатын алғанын, оған қоса үйіне өрт қойылғанын айтады.
