Әлемдік тұлғаларға IV діни форумға шақыру табысталды

Парламент Сенатының төрағасы, Әлемдік және дәстүрлі діндер лидерлері съезі хатшылығының басшысы Қайрат Мәмидің Астанада өтетін кезекті IV діни форумға қатысуға арналған жеке шақыруы Женевада дүниежүзілік шіркеулер кеңесінің Бас хатшысы О.Твейтке, дүниежүзілік лютеран федерациясының Бас хатшысы М. Юнгеге, БҰҰ Бас хатшысының орынбасары – БҰҰ-ның Женевадағы бөлімінің Бас директоры Қ.Тоқаевқа табыс етілді. Бұл туралы ҚР Парламенті Сенатының баспасөз қызметі хабарлады.
Шақыруды табыстаған сенатор Икрам Адырбеков Христиан ұйымдарының бас­шы­ларымен кездесулер барысында алдағы форумның басты тақырыбы мен негізгі пікірсайыс секцияларындағы мәселелер туралы әңгімеледі. Арнайы өкілмен кезде­сушілер Қазақстанның өркениеттер үнқа­тысуын дамыту саласындағы күш-жігерін жоғары бағалады және діни лидерлер съезі­не шақыруға ризашылықтарын біл­дір­ді. БҰҰ Женева бөлімінің басшысы Қ.Тоқа­ев та шақыруға алғыс айтып, осы халық­аралық ұйым тарапынан қазақстан­дық бастамаға қолдау көрсетуге әзір екенін жет­кізді.