Алматы облысы тауларында жоғалып кеткен төрт жасар бала алты сағаттан кейін табылды
Алматы облысында тауда жоғалып кеткен төрт жастағы бүлдіршін алты сағаттан кейін табылды, деп хабарлайды Stan.kz ақпарат агенттігі Алматы облыстық ТЖД-ға сілтеме жасап.
Ата-анасының айтуынша, олар түскі уақытта төрт жасар ұлдарымен бірге тауға саңырауқұлақ теруге барған. Көлік қасында ойнап отырған баланы бір мезетте ата-анасы таппай қалған. Үш сағат бойы баланы өздігінен іздеген ерлі-зайыптылар ақырында төтенше жағдайлар департаментінен көмек сұрады.
Кербұлақ ауданы, Доланалы ауылына жақын маңда 2018 жылы туған баланың жоғалып кеткені туралы ақпарат Алматы облыстық ТЖД-ға 16 мамыр күні сағат 20.30-да келіп түскен.
Ақмола облысында жоғары сынып оқушылары 10 жасар оқушыға зорлық-зомбылық көрсетті деген күдікке ілінді
Шымкенттік оқушыны әлемнің 34 университеті оқуға шақырды
ТЖД қызметкерлері, полиция, жергілікті атқарушы органдар мен тұрғындардан 100-ден аса адам мен бір ит баланы іздеуге кірісті. Бала сағат 23.30 шамасында жоғалған жерінен 3 шақырым қашықтықтан табылды. Дәрігерлердің қарауынан кейін жеткіншек ата-анасына қайтарылды. Оның денсаулығына ешқандай қауіп төніп тұрған жоқ.
