Алматыда бүлікшілер «Аллаһу Акбар!», «Шаһид!» деп ұрандатқан (ВИДЕО)
Бәрі сақалды, әскери форма киіп алған. Қазақша мүлде сөйлемейді.
Елдегі жаппай тәртіпсіздік кезінде Алматы қалалық Полиция департаментіне шабуылдаған күдіктілердің бірі ұсталды, деп хабарлады turkystan.kz Алматы қалалық жедел штабқа сілтеме жасап.
Бейнежазбадан шабуылдың белгілі бір адамдардың басқаруымен жасалғанын көруге болады. Әскери киім киген топ арнайы атыс қаруымен ғимаратты атқылап жатыр. Біреуі, тіпті, «противогаз» киіп алған.
«Төле би көшесімен келе жатқан едім. Брусиловскийге жеткенімде алдымнан топ адам шығып, көлігімді тоқтатты. Мемлекеттік нөмірді күштеп шешкізді. «Ешқайда кетпейсің, сенің машинаңмен барамыз!» деді. Алаңға бардым. Ол жақта төбелес пен атыс болған жоқ. Кейін олар көліктен шыққан соң Полиция департаментіне қарай кетті. Ол жерге 25-30 адам келді. Бәрі сақалды, әскери форма киіп алған. Қазақша мүлде сөйлемейді. Өз тілдерінде бірдеңе айтып жатты. «Шаһид», «Аллаһу Акбар!» деп жатты…», – дейді ұсталған күдікті.
