Алматының радиациялық жағдайы тұрақты

Былтыр радиациялық апаттар мен кәсіби аурулар тіркелген жоқ. Әртүрлі сәуле көздерін пайдаланатын бақылаудағы 287 радиациялық-қауіпті нысанның радиациялық ахуалын жақсарту бойынша шаралар уақытында ұйымдастырылған. Бұл туралы ҚР Денсаулық сақтау министрлігінің Мемлекеттік санитарлық-эпидемиологиялық қадағалау комитетінің Алматы қаласы бойынша департаменті мамандары хабарлайды. 
2012 жылы Алматы қаласының сани­та­риялық қызметінің мамандары ҚР «Тұр­ғындардың радиациялық қауіпсіздігі тура­лы» Заңын жүзеге асыру барысында ны­сан­дардың қоршаған ортасына 576 885-ден аса дозиметрлік өлшеу және 5561 радиологиялық зерттеу жүргізіпті. Осындай зерттеулер сынамаларында радиациялық ластану фактілері тіркел­меген. Осы сала мамандарының айтуын­ша, еліміздің нор­мативтік-құқықтық акті­леріне сәйкес, радиоак­тивтік қалдық­­тар­дың уақтылы көмілуі бақылауға алынған. 2012 жылы радиоактивті қалдықтар көз­інің төртеуі көмілген. Рентген-диаг­ностикалық аппарат­тардың кезең-кезең­мен ауыстырылуы бақылауға алынған болатын. Өткен жылы қа­ла­ның медици­налық ұйымдары 11 рент­ген-диагности­калық аппаратын және алты  флюроаппаратын ауыстырғанын айта кеткен жөн.
Алматы қаласының радиациялық жағдайы тұрақты қалыпта сақталып, қала аумағының табиғи гаммафоны 0,14 - 0,17 микроЗивер/сағатты құрады.