Ардагерлерге арналған сайт ашылды
Сайттың тұсаукесер рәсімі Өскемендегі А.Пушкин атындағы облыстық кітапханада өтті.
Www.veteranvko.kz деп аталатын ақпараттық порталдан Ұлы Отан соғысының ардагерлері, тыл еңбеккерлері мен концлагерь тұтқындары, олардың ерліктері мен марапаттары жайында көптеген ақпараттарды оқуға болады.
- Осы жобаны Жеңістің 70-жылдығына орайластырып жасадық. Сайттың түрлі қызықты бөлімдерінде ардагерлеріміз туралы барлық ақпарат болады. Мұнда бейнесюжеттер, ерлік даңқы туралы ардагерлердің өз ауызымен айтылған әңгімелері, олардан алынған сұхбаттарды таба аласыздар. Бүгінгі таңда біздің облыстан шыққан Кеңес Одағы Батырларынан үшеуінің көзі тірі, шет елде тұратындары да бар. Сол батырлар туралы ақпаратты да орналастыруға және сұхбат алуға тырысамыз. Сондай-ақ, сайтқа соғыс жылдарында жұмыс істеген өндірістік кәсіпорындар мен майдан даласынан алыста, Жеңіс үшін тер төккен тыл еңбеккерлері жайындағы мағлұматтар да салынған. «Даңқ» орденінің толық туралы ақпарат та міндетті түрде болады. Сайт жан-жақты әрі қызықты болу үшін соғыс жылдарындағы аудиоматериалдар, фотосуреттермен толықтырылады, - деді Шығыс Қазақстан облысы әкімінің орынбасары Жақсылық Омар.
