Ахмет Ясауи университеті қос мерекені тойлады
Түркістандағы Қ.А.Ясауи атындағы Халықаралық қазақ-түрік университетінде ҚР Тәуелсіздігінің және университеттің 25-жылдығына арналған жиын өтті.
Университеттің алғашқы басшылары, ардагер-ұстаздары, түлектері арнайы шақырылған жиынға, университет оқытушы-профессорлары мен студенттері қатысты. Шараның шымылдығын ашқан, университет президенті, профессор У.Әбдібеков, І вице-президент, профессор М.Куталмыш ардагер ұстаздар мен бірқатар түлектерге мерейтойлық төсбелгі табыстады.
Шараға арнайы келген қонақтар Ел Тәуелсіздігімен бірге жасасып келе жатқан білім шаңырағының қалашығына саяхат жасап, ширек ғасырда жеткен жетістіктерімен танысты. Сондай-ақ, салтанатты жиында университет түлектері, қазақ өнерінің белгілі майталмандары Алтынай Жорабаева, Нұржан Қалжан, Нұржан Төлендиев, Ғалымжан Қалыбаев, Оразкүл.Дәулетова, Мақсат Айтжанов, Мақсат Құрақбаев, Марат Оразымбетов, Анар Жұмаш, Құралай Асаубаева өз өнерлерінен шашу шашты.
Ақпарат орталығы.
фото: Әлішер Сапаров АРТ студия.
