Бензин ішіп уланған бүлдіршін көз жұмды
Бензин ішіп уланған Балқаш қаласының бір жасар бүлдіршіні көз жұмды. Өкпесі қатты күйіп, миында ісік пайда болған баланың өміріне Қарағандыдан арнайы шақыртылған ақхалаттылар да араша түсе алмады.
Ауруханаға 28 шілде күні келіп түскен бала, шілденің 30 күні таңғы сағат алтыларда есіне келмей қайтыс болыпты. Дәрігерлер сәбидің миындағы ісіктің уланудың кесірінен пайда болғанын айтады. Еске салсақ, Балқаш қаласындағы жеке үйлердің бірінде тұратын бір жастағы бүлдіршін пластмасса бөтелкедегі бензинді ішіп, соның салдарынан өкпесі зақымданған еді. Қазір көз жұмған баланың ата-анасына қатысты тергеу жұмыстарын бастапты.
АЙЖАН ИСА, Қарағанды облыстық денсаулық сақтау басқармасының баспасөз хатшысы:
- Шілденің 30 күні таңғы сағат 05.40-та бұл бала реанимация бөлімшесінде қайтыс болды. Өйткені асқазаны мен өкпесі қатты зақымдалған.
