Бұл да бір заманның сұрқылтайы шығар...

"Құрылыс компаниясына әкім ескерту жасады" деп тақырыпты айқайлатып қойыпты ақпаратқа. Ескерту деген не, тәйірі? АЙЫППҰЛ да ештеңе шешпейді. Қабылдамай тастау керек қой сапасыз соққан үйлерді. Тендерге қайта түспейтідей ету керек жолын кесіп, ондай компанияның. Мем бағдарламен, кезекпен үй алғандар жылап жүр ғой. Үй өте сапасыз соғылған деп. Қалада соңғы жылдары соғылған көпқабаты үйлеріне тұрғындардың шағымы көп. САПАСЫЗ дегенді білдіреді бұл.
... Түркістанда СМУ-8 деді ме, 9-ба, бір құрылыс тресті болған екен Совет кезінде. Соның прорабы болған құрылысшы көкеміз айтушы еді марқұм: "Самал" 1-мкр домдардың барлығын біз соққанбыз. Бір домды 3 жылда бітіретінбіз. Фундамент құйылып кемі 10 ай тұратын, кірпіштер мен құрылыс материалдар Алматыдан, Мәскеуден сынамадан өтіп келмей қолданбайтынбыз. Госприемка деген болады: сметадан дайын обьектіге дейін құжатын, есебін, бүге -шігесіне дейін "лупамен" қарайтын. Қазіргі құрылысшыларға таңғаламын: мектеп құрылысын март айында бастап, сентябрьге тапсырады. Бұндай обьектіні қабылдап алып жүрген қай оңбаған екен" , деп құрылыс компания ма, жай "нан талап" мердігер ме, соларды сыбап отырушы еді көкеміз. Советті жамандаймыз, бірақ ол тұста тәртіп те, бақылау да күшті болған.
Ал бүгінде : "әкім ескертті" деп мәзбіз. Бұл да бір заманның сұрқылтайы шығар...

Фейсбуктегі парақшасынан