Десанттық-шабуылдау бригадасында армия генералы Мұхтар Алтынбаевқа құрмет көрсетілді
Бір айдан кейін Қазақстан Республикасының халық батыры, армия генералы, ҚР Парламентінің Сенаты Мұхтар Алтынбаев 70 жасқа толады. Бұл атаулы күнге, сондай-ақ алдағы ҚР Тұңғыш Президенті күнін мерекелеуге орай 68665 әскери бөлімінде өткен салтанатты іс-шара арналған болатын.
Десанттық-шабуылдау бригадасының әскери қызметшілері сенаторды ерекше күтіп алды. «Мен бөлім әскери қызметшілеріне жылы құшақ жая қарсы алғандарына алғыс білдіремін. Бүгін мен әскери қызметшілердің жақсы дайындығын көрдім, бригада өздерінің жауынгерлерін автономды түрде дайындай алатынына көзім жетті. Ол келісімшарт бойынша әскери қызметшілермен жасақталған. Көп жұмыс атқарылғандығы байқалып тұр. Бүгінде әскери бөлім нық басып тұр», - деді жеке құрамның алдындағы сөз сөйлеуінде Мұхтар Алтынбаев.
Салтанатты шараға 1000-нан аса әскери қызметші қатысты, оның құрамына ҚР Қарулы Күштерінің ардагерлері, яғни, генерал-лейтенант Николай Поспелов, генерал-майор Владимир Шацков, генерал-майор Уәли Еламанов, контр-адмирал Ратмир Комратов, ҚР ҚК Құрлық әскерлерінің, өңірлік қолбасшылық әскерлері, әскер тектерінің қолбасшылығы, ҚР ҚК Құрлық әскерлері бас қолбасшысы басқармасының әскери қызметшілері, сондай-ақ ҚР Парламенті Сенатының депутаттары қатысты.
