Екібастұзда әйел тіл алмайтын қызын балалар үйіне тапсырған
17 жастағы Камилланың анасы Айман Екібастұз қ. бақылау және қамқоршылық органдарына өзінің ата-ана құқығын шектеуді сұрап барған. Бұл туралы Павлодар облысы кәмелетке толмағандардың істері жөніндегі мамандандырылған ауданаралық сотының баспасөз қызметінен хабарлады.
Әйел мұндай арызбен бұрын да Екібастұз қ. бақылау және қамқоршылық органдарына келген. Сөйтіп, 2012 жылдың мамыр айындағы сот шешімімен қызына қатысты ата-ана құқығынан айырылған. Ол кезде мұндай шешімге Камилланың тіл алмауы, үйден кетуі, оқуға деген қызығушылығының болмауы негіз болған. Анасы қызын балалар үйіне тапсыруға ұйғарған. Алайда Айман қызымен байланысын үзбей, оның халын білуге барып отырғ
Камилла қылығындағы оң өзгерістер байқалғандықтан, 2014 жылы 16 мамырда Павлодар облысы кәмелетке толмағандардың істері жөніндегі мамандандырылған ауданаралық сотының шешімімен Айманның ата-ана құқықтары қалпына келтірілді.
Қазір Камилла қайтадан бұрынғы әдетіне көшті. Сабақтарға бармайды, бірнеше күнге үйінен кетіп қалатын болды, құқық қорғау органдары бірнеше рет іздеп, басқа қалалардан тапқан.
2015 жылғы 16 қыркүйектегі сот шешімімен Айманға қызына қатысты ата-ана құқықтарына шектеу қойылды. Сотта кәмелет жасқа толмаған Камилла оның балалар үйіне тапсыру шешіміне қарсы болмады.
Сот шешімі заңды күшіне енбеді.
Баспасөз хабарламасындағы барлық есімдер өзгертілді.
