ІІМ Самат Әбіш пен Асқар Маминге қатысты мәлімдеме жасады
Қазақстан Республикасы Ішкі істер министрлігі Ұлттық қауіпсіздік комитеті төрағасының бұрынғы орынбасары Самат Әбішке, экс-премьер-министр Асқар Маминге және Павлодар облысының Полиция департаментінің бұрынғы басшысы Нұрлан Мәсімовке қатысты іс жүргізіліп жатпағаны туралы мәлімдеді.
Orda.kz «Қаңтар оқиғасынан» кейін құқық қорғау органдарына бұрынғы басшыларға іс жүргіліп, не жүргізілмей жатқандығын анықтау мақсатында хат жолдаған болатын.
«Ішкі істер органдарында сіздер сұраған азаматтарға қатысты ешқандай іс жүргізіліп жатқан жоқ», – деп жазылған ІІМ жауабында.
Ал ҰҚК экс-төрағасы Кәрім Мәсімов пен басқа да лауазымды тұлғаларды тергеу жұмыстарын ҰҚК өзі жүргізуде. Олар мемлекетке опасыздық жасады, билікті басып алуға талпынды деген күдікке ілінген.
