Конституция күніне арналған үлкен концерт өтеді

ҚР Конституциясының қабылданғанына 17 жыл толуына орай Астана қаласында мерекелік концерт өтеді. Шарада Қазақстанның еңбек сіңірген әртістері мен өнер қайраткерлері, сондай-ақ қазақ эстрадасының жас таланттары өнер көрсетеді.
ҚР Мәдениет және ақпарат министрлігі баспасөз қыз­метінің хабарлауынша, Астана қаласында та­мыз­дың 30-ы – Конституция күніне арналған мерекелік кон­церт өтеді. Ата Заңымыздың қабылданғанына 17 жыл толуына арналған кеш «Қазақстан» орталық кон­церт залында сағат 17:00-де басталады. Шараны ұйым­дастырушылардың айтуынша, концерттік бағ­дар­лама Қазақстанның өткені мен қазіргі нақтылығын анықтайтын тарихи жолын көрсете отырып, жарқын бо­лашағына бағыт жасайды. «Мұнда ел мерейінің ас­қақтауын тану, ел беделінің артуын қолдау идеясы бар», – дейді олар. Сонымен қатар ел намысын қор­ғап жүрген еліміздің толағайларына деген риза­шы­лықты көрсету болып табылады.  Салтанатты кон­церт­те Қазақстанның еңбек сіңірген қайраткерлері Майра Мұ­хамедқызы, Азамат Жалтыркөзов, Талғат Мұ­са­баев, республикалық конкурстардың лауреаты Нұр­кен Әшіров, халықаралық конкурстардың лауреаттары  Би­бігүл Жанұзақ, Айдос Жабағин, Мейір Байнешев, Әсем Сембина, Ерлан Жандарбай, Қазақстанның ең­бек сіңірген әртісі Айгүл Үлкенбаева, танымал эстрада орын­даушылары Маржан Арапбаева, Руслан Ахметов жә­не «Жұлдыздар фабрикасы» мен «Х-фактор» жоба­ларының қатысушылары өнер көрсетеді. Со­ны­мен қатар Құрманғазы атындағы Қазақ мемлекеттік академиялық халық аспаптар оркестрі, К.Байсейітова атындағы Ұлттық опера және балет театрының сим­фо­ниялық оркестрі мен хоры және Б.Байқадамов аты­ндағы хор капелласы да қатысады.