Мектеп оқушылары ерлігі үшін марапатталды

Қызылжарлық екі оқушы облыстық ішкі істер департаменті тарапынан полиция қызметкерлеріне қылмысты дер кезінде ашуға көмектескені үшін марапатталды.
Мектеп оқушылары Максим Ермаков пен Никита Воронцов облыс орталығында орналасқан «Северный» базарында жа­сал­ған қылмысты ашуға көмектескен. «Кө­мектесіңдер!» деген дауыс шыққан жаққа жалт қараған оқушылар әлдебір беймәлім ер адамның сатушының бутигінен ноутбук алып қашқанын байқап қалады. Балалар ойланбастан базардан шыға қашқан қыл­мыскердің ізіне түседі. Байқатпай, соңынан бақылай жүріп, қылмыскердің қай жерде кетіп бара жатқаны жайлы дереу поли­цияға хабар береді. Шұғыл іске кіріскен по­ли­ция қызметкерлері балалардың ай­туы бойынша ізге түсіп, қылмыскерді құ­рық­тайды.
Облыстық ІІД бастығы, Асхан Кажке­нов, балаларға планшет, ата-аналарына алғысхат тапсыра отырып: «Оқушылар ер­лік әрекет жасады. Ол жайлы олардың қа­тар-құрбылары білуі тиіс», – деді.