Нұр-Сұлтан маңында адамдар ұсталып жатқан видеоға полиция түсініктеме берді
Нұр Сұлтан полиция бөлімі қала сыртында адамдарды ұстау туралы видеоға түсінік берді, деп хабарлайды Stan.kz ақпарат агенттігі.
Полицияның хабарлауынша, жастар Нұр-Сұлтан-Қостанай тас жолында орналасқан өткізу пунктінен бір жарым шақырым жерде ұсталған. Ұстауды полиция мен әскери полицияның мобильді тобы жасаған. Тұрғындар төтенше жағдай режимін бұзды.
"Карантин режимі жұмыс істейтін елорда аумағына автожолдың бойымен жүретін жолға шықпақ болғанда, Қажымұқан ауылының үш тұрғыны қашып кетуге әрекет жасады.
Осы адамдарға қатысты төтенше жағдай режимін бұзғаны үшін әкімшілік құқық бұзушылық туралы кодекстің 476-бабының 1-тармағына сәйкес әкімшілік іс қозғалды. Нұр-Сұлтан мамандандырылған ауданаралық әкімшілік сотының шешімімен, әрбір факт бойынша сот бұзушыларды 15 тәулікке әкімшілік қамауға алды", - деп түсіндірді елордалық полиция департаментінде.
Сонымен қатар, полиция Ақмола облысының астанаға жол тартқан тағы үш тұрғынын ұстады.
"Мұндай фактілерді болдырмау үшін полиция азаматтардың заңсыз әрекеттерін тіркеуге және алдын алуға мүмкіндік беретін дрондарды қолданады.
Қалыптасқан жағдайды ескере отырып, қызметкерлерден қашып бара жатқанда жол кедергілерін айналып өтіп, карантинге жабылған қалаға кіруге тырысу жауапкершілігі төмен адамдардың ісі. Полиция қызметкерлері және бақылау-өткізу пункттерінде қауіпсіздікті жүзеге асыратын қорғаныс министрлігінің қызметкерлерімен бірге мұндай заңбұзушылықтардың жолын кесу керек. Сондықтан елорда периметрі бойынша патрульдеу жүргізіледі. Ұсталған азаматтар сот шешімімен 15 тәулік мерзімге әкімшілік қамауға алу түріндегі жазаны алды. Біз бұл тек тәртіп пен оқшаулау режимімен ғана вирустың таралуын тоқтатуға болатындығын әлі түсінбегендерге сабақ болады деп үміттенеміз", - дейді полиция.
Елордаға кірудің және шығудың ерекше режимін бұзғаны үшін 68 азамат әкімшілік жауапкершілікке тартылды, олардың 51-і 15 тәулікке әкімшілік қамауға алынды, он адамға 10 АЕК мөлшерінде айыппұл салынды, ал қалған адамдарға қатысты материалдар сот қарауына жіберілді.
