Өз отбасынан балалар үйіне қашып кетті

Батыс Қазақстан облысын­да 12 жасар бала отбасынан безді. Айдың күннің аманын­да оған не болған дейсіз ғой. Бақсақ, мәселе тереңде екен. 12 жыл бұрын жас келіншек жаңа туған сәбиінен бас тарт­қан.
Материалдық қиындықты алға тартқан ананың жағдайын түсінген қамқоршы органның шешімімен сәби отбасылық үлгі­дегі балалар үйіне орналастырылады. Тұрмыстан тарықпағанмен баланың анасын іштей іздейтіні белгілі. Бірақ көкек ана осы жылдар ішінде бірде-бір рет ұлын іздеп келмепті. Керісінше, балалар үйінің басшылығы ұлдың анасын өздері тапқан. Бір шешімге келген шешесі ұлын кері қайтарып алғанымен, бәрі кеш еді. Жаңа отбасы балаға бірден ұнамапты. Сабақтан қашқанымен қоймай, үйден де қашып кеткен ол: «Мені туған анама қайтаруға әрекет жасасаңдар, өз-өзіме қол жұмсай­мын», – деп хат жазып қалдырған. Бұдан әрі ұлымен тіл табыса алмасын ұғын­ған келіншек қамқоршы органға арыз жазуға мәжбүр болды. Соттың шешімімен келін­шек­тің аналық құқығы шектеліп, қашқын бала отбасылық үлгідегі балалар үйіне қайтарылды.