Поляктар қазақша оқи бастады

Польшаның Великопольски аймағының астанасы Познань қаласындағы Адам Мицкевич атындағы университеттің шығыстану және түркология институтында қазақ бөлімі ашылды.
Бөлімнің ашылу салтанатына қазақ­стандық және поляк дипломаттар, уни­­­вер­­ситет басшылары, осы ел ға­лым­­да­ры және Польшадағы түркі қа­уым­дарының өкіл­дері – татар және караим бірлестікте­рінің өкілдері қатысты. Сондайда поляк студенттері қазақ халық әндерін орындап, Абайдың «Қара сөздерінен» үзінді оқыды. Сонымен қатар Қытай мен Моңғолияда тұратын қазақтар өмірі туралы деректі фильм көрсетіліп, Қазақстанға арналған сурет көрмесі ұй­ым­дастырылды.
Бөлімнің жетекшісі болып Познань универ­ситетінде бес жылдан бері қазақ тілінен сабақ бере­тін Гүлайхан Ақтаева тағайындалды.
Қазіргі кезде Адам Мицкевич атындағы универ­ситетте 40-қа жуық поляк студенті қазақ тілін оқи­ды. Ал шығыстану және түркология институты ма­ман­дары өз күші­мен таяуда ғана «Поляк-қазақ сөздігін» құрастырды. Сөздік таяу арада басылып қалмақ.
Польша университетінде қазақ бөлімі­нің ашы­луы Қазақстан мен Лехистан бай­ланысын да­мыту үшін ғана емес, сонымен бірге қазақ елі мен ЕО қатынасы барысында да маңызды болып та­былады.