Полиция автокөлігін күлкі қылғандардың видеосы таралып кетті
Әлеуметтік желіде полицейлердің қызметтік автокөлігіне қатысты челлендж-видео тарады. Ролик құқық қорғаушылар машинасының соңында келе жатқан көліктің ішінде түсірілген. Оған полицияның дабылы қосылады.
Желіде тараған видеода екі локация бар: бірі &ndash түнгі уақытта қала ішінде, екіншісі көлік аз жүретін жолда түсірілген. Ол жерде полиция арнайы дабылды бірнеше рет қосады.
Құқық қорғаушылар бұл видеоны әлеуметтік желіге мониторинг жүргізу барысында анықтаған.
Түркістан облысы полиция департаменті баспасөз қызметінің хабарлауынша, тараған видеоға қатысты тексеру жүргізілді. Нәтижесінде видеоның өңделгені, дыбысты полицияның емес, видеоны түсіріп отырған адамның қосқаны анықталды.
"Тексеру нәтижесінде желі қолданушылары арасында челлендж секілді таралып жатқан видеодағы полиция дабылының дауысы өңдеу арқылы қойылғаны анықталды", - делінген ақпаратта.
Полиция дабылдың шынайы емес екенін айтты. Сондай-ақ, азаматтарды көрінеу жалған ақпарат таратпауға шақырды.
