Қарағандыны кезіп жүрген маньяк-педофил жұрттың үрейін алды

Қарағанды қаласында белгісіз педофил оқушы қыздардың үрейін ала бастағалы біраз болды. Өткен сәрсенбі, сәуірдің 15-сі күні ол тағы үш қызға тиісіп, сексуалдық сипаттағы әрекетке барған, деп хабарлайды «Алаш айнасы» порталы "Новый Вестник" басылымына сілтеме жасап. Жақында осындай оқиғадан кейін үш қыздың ата-аналары бірден полицияға арыз түсірді. "Педофил еуропа нәсілді ер адам, ол қара киім киіп, қара телефон ұстап жүреді. Менің қызым гимназиядан келе жатқанда, маньяк-педофил оған тиісіп, халық аз жүретін жерге алып кеткісі келген. Бірақ қызым қашып үлгерді. Біз Майқұдықта педофилдің жүргенін білгенбіз. Сол себепті баламызды ескертіп қойдық. Ұстаздар да барынша түсіндіріп келеді. Педофил көршімнің қызына да тиіскен. Алайда ол да қашып құтылып кетіпті. Енді, біз балаларымыз үшін қатты қорқып жүрміз. Мектепке өзіміз апарамыз, өзіміз алып келеміз", - дейді бір оқушы қыздың анасы. Басылымның хабарлауынша, әлгі "жүзі қарадан" оқуші бір қыз қашып кете алмаған. Педофил оны жұрт аз жүретін, елге көрінбейтін жерге алып барып, өзінің қалта телефонын оған видеоға түсіру үшін беріп қойған. Сосын өзі онанизммен (маструбация) айналыса бастады. Осының бәрін кішкентай қызға түсірткізіп қойған. Айта кетейік, Қарағанды қаласында маньяк-педофил шықты деген сыбыс өткен айдың соңына таман тарала бастады. Наурыздың 30-ы мен сәуірдің 9-ы күні ол екі рет бастауыш сынып оқушыларын алдап-арбап, үйдің кіреберісіне кіргізіп алған. Одан кейін ұялы телефондағы камераны жағып қойып, өзінің онанизммен айналысып жатқанын оқушы қыздарға түсірткен. Бұл тағы қайталанып отыр.