Қазақстанның бірнеше облысында дауылды ескерту жарияланды
Еліміздің тағы бірнеше облысында дабылды ескерту жарияланды, деп хабарлайды Қазгидрометке сілтеме жасаған NUR.KZ.
Синоптиктердің мәліметінше, бірнеше облыста жел күшейеді.
23-24 қаңтар Батыс Қазақстан облысы бойынша кей жерлерде оңтүстік-шығыстан соғатын желдің жылдамдығы 15-20 м/с күшейеді.
24 қаңтар күні Орал қаласында оңтүстік -шығыстан соғатын желдің екпіні 18 м/с дейін жетеді.
24-ші қаңтарда тәулік бойы Қостанай облысының кей жерлерінде жаяу бұрқасын, жел 15-20 м/с-қа дейін күшейеді деп күтілуде.
24 қаңтарда тәулік бойы Оңтүстік Қазақстан облысының кей жерлерінде күші 15-20 екпіні 23 м/с дейін жететін жел соғады.
Сондай-ақ мамандар 24-29 қаңтар аралығында Алматы, Жамбыл, 26-29 қаңтар аралығында Оңтүстік Қазақстан, Қызылорда облыстарында ауа температурасы түнде 15-20, кей жерлерде 25-30 градус аяздан 20-25, кей жерлерде 30-35 градус аязға дейін төмендейтінін болжап отыр.
Дауылдық ескертудің ықтималдылығы 95 %.
