Қытайда 6 жыл бойы үңгір түбінде өмір сүрген ит құтқарылды
Қытайда 50 метрлік үңгірдің түбінде 6 жыл бойы жатқан ит құтқарылды. Осы жылдар бойы жануарға тұрғындар үңгір қиылыстарының көптігі мен ұзындығының салдарынан көмектесе алмаған, деп хабарлайды Stan.kz ақпарат агенттігі.
Қытайдың оңтүстігіндегі Юньнань провинциясындағы ауылда кішкентай күшік тереңдігі 50 метр шұңқырға құлап кеткен. Жергілікті тұрғындар оны алты жыл бойы шығарып алуға тырысқанымен, еш нәтиже болмаған.
Үңгір айтарлықтай ұзын және рельефтің ерекшеліктеріне ие болды, деп жазады РИА Новости.
Ұзақ уақыт бойы адамдар тамақты жоғарыдан тастап отырған. Ал суды ит жерасты бұлақ көзінен алған.
Қараша айының басында бұл оқиға қытайлық ғаламторда үлкен резонанс тудырып, жұртшылықтың назарын аударды. Айдың ортасында құтқарушылар ауылға жеткенімен, қиындықтарға тап болды. Өйткені, осыншама жыл адам көрмеген жануар шошып, жыраға тығылып қала берген. Ал ол жерден итке құлау қаупі бар болғандықтан шығарып алу мүмкін болмаған.
Құтқару операциясы басталғаннан кейін екі апта өткен соң, 29 қарашада итті тамақ беру арқылы шақырып, жер бетіне алып шыққан.
Қазір жануардың жағдайы жақсы, ветеринарлар оны бақылауда ұстап қажетті ем-домын көрсетіп жатыр.
