"Қызға бармадық": Нұрболат Абдуллин Әбдіжаппар Әлқожа екеуінің студенттік шағы жайлы айтты
Нұрболат Абдуллин әріптес-досы Әбдіжаппар Әлқожаны туған күнімен құттықтап, онымен жас кезінде бірге өткізген күндерін еске алды, деп жазады Stan.kz ақпарат агенттігі.
Абдуллин Әлқожа екеуінің жас кездегі суреттерін жариялап, студенттік шақта "не бүлдіргендерін" баяндады.
"Мен Жарқамыстан, Ол Жетісайдан келген жылдардан достығымыз басталды. Алматының кей көшелерінде біздің самса жеген, жаяу жүрген, жоспар құрған, армандаған , ән айтқан,(қызға бармадық) күндеріміздің белгілері жатыр. Сан тарау жолдар да бірге болдық. Адасып та кетер ме ек, десе де бірлестік те шешім қабылдадық. Бұл менің досым ғой деп айтатын ақкөңіл Адалым! Бір басында “бекзадалағы” бар бауырым. Шейхтардай өмір сүретін шынары биік мырза жігіт.
Еңсесі биік Елдің еркесі 30-ға толды. Досымжан айналайын мен саған тілекшімін. Ұрпағыңмен мың жаса. Әнің ғасырларды тербесін! Мой Jappar!" - деп тілек білдірді Абдуллин.
