Қызылорда облысында жастар үшін баспаналы болудың жеңілдетілген бағдарламасы іске қосылады
«AMANAT» партиясы Қызылорда облыстық сайлауалды штабының мүшелері Ақмешіт мөлтек ауданында орналасқан «Азаматтарға арналған үкімет» мемлекеттік корпороциясында болып, ұжым қызметкерлерімен кездесті, деп хабарлайды Azattyq Ruhy.
Онда партияның сайлауалды бағдарламасын таныстырып, тұрғындар жағдайын жақсарту шараларын талқылады.
Кездесу барысында партия атынан облыстық мәслихат депутаттығына үміткер Сағатбек Сиюов партияға басымдық берді.
«Барлығыңыз «АМАNАТ» партиясының қызметімен тікелей таныссыздар. Бұл тек сайлау алдындағы кезеңде ғана емес, тәулік бойы жұмыс істеп, ел тұрғындарының мәселелерін шешетін партия. Соның ішінде мүмкіндігі шектеулі жандардың мәселесін шешуде назарға алынған. Қазір ақпараттық технология заманында – әрбір айтқан сөзіңізден кейін бәрін тексеріп, өз қорытындыңызды жасауға болады. Сіздерде халықпен тікелей жұмыс жасап отырсыздар. Ал «АМАNАТ» партиясы – сыннан жасырмай, азаматтардың өмірін жақсы жаққа өзгертуге бар күш-жігерін салуға тырысуда», – деді Сағатбек Сиюов.
Үміткер сондай-ақ, алдағы 5 жылда қоғам сұранысына сай бақуатты өмір, лайықты жұмыс пен еңбек жағдайы жақсаратынын атап өтті. Жастардың проблемалары мен оларды шешудің ұсынылған жолдарына толығырақ тоқталды.
«Халыққа қызмет көрсету орталығында ұжымның басым бөлігі жастар. Біз жастардың үш жүйелі проблемасын талдап, анықтадық ол баспана, жұмыспен қамту және бос уақыт. Қазақстанда қазірдің өзінде жастарды баспанамен қамтамасыз ету бойынша бірқатар бағдарламалар іске қосылды. Осы бағытта «АМАNАТ» партиясы Сыр жастары үшін жеңілдетілген ипотекалық кредит беру бағдарламасы шеңберінде жастарды тұрғын үймен қамтамасыз етуді жоспарлап отыр»,- деді өз сөзінде.
Кездесуде сайлауалды штаб мүшелері жиналғандарды дұрыс таңдау жасап, «АМАNАТ» партиясына дауыс беруге шақырды.
Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді
