Сотталғандардың туыстарының сауалына толыққанды жауап берілді
Ел Президенті Қасым-Жомарт Кемелұлы Тоқаевтың ағымдағы жылғы "Сындарлы қоғамдық диалог - Қазақстанның тұрақтылығы мен өркендеуінің негізі" атты халыққа арнаған Жолдауындағы "Халық үніне құлақ асатын мемлекет" тұжырымдамасын басшылық ала отырып, күні кеше еліміздің түкпір-түкпірінде азаматтарды жеке сұрақтарымен қабылдау болғаны белгілі.
Жалпыреспубликалық бұл шарадан Жамбыл облысы бойынша Қылмыстық-атқару жүйесі департаменті және оған қарасты мекемелерде тыс қалған жоқ.
ЖД-158/5 мекемесінің бастығы әділет майоры Раушан Ахметов бұл күні 3 адамды қабылдады. Қабылдау барысында алғашқы боп өтінішімен жүгінген сотталған Н.Бешли-Оглының ата-анасы И.Бешли-Оглы мен Н.Шатхиева ұлының жағдайын білуге келгендігін айтты. Оларға ҚАЖ қызметін реттейтін нормативтік-құқықтық актілер түсіндірілді.
Бұдан кейін, Б.Мырзамбетова есімді азаматша анасының жағдайын білуге келгенін тілге тиек етіп, жеке емдік-профилактикалық емдеу мәселесі бойынша сауал қойды. Аталған азаматшаға мекеме басшылығы тарапынан ҚР ІІМ 2015 жылғы 7 сәуірдегі 314 бұйрығының 3-тарауы 31 тармағына сәйкес толық ақпарат берілді.
Ал, қауіпсіздігі барынша төмен мекемеде жазасын өтеуші Р.Сұлтановтың әйелі С.Каховскаяның жеке талап қарызын өндіру бойынша сауалына оның жұбайына қатысты жеке талап қарызын өндіру туралы орындау парағы түспегенін, өз кезегінде мекеме тарапынан сұраныс хат бірнеше рет жолданғаны айтылды.
Венера Каракозова,
ЖД-158/5 мекемесінің жасақ бастығы әділет аға лейтенанты
