Теміржол құрылысының қадасы қағылды

1000 шақырымды құрай­тын «Жезқазған-Бейнеу» жә­не «Арқалық-Шұбаркөл» те­міржолдарының бірінші ке­зеңі «Жезқазған-Сексеуіл» учас­ке­сінің құрылысы болмақ. Оның жалпы ұзындығы – 517 шақырым, Қарағанды об­лысының аумағынан өтетін жол­дың ұзындығы 374 шақырымды құ­райды. Жезқазған-Сексеуіл те­міржолы құрылысында орташа есеп­пен 4570 адам жұмыспен қам­тылатын болады.
Жезқазған-Сексеуіл учаскесінде үш учас­келік және үш аралық стансы салу жос­парланып отыр. Осы стансыларда тұ­рақты түрде 901 жаңа жұмыс орны ашы­лады. 171 екі пәтерлі үй, екі орта және үш бас­тауыш мектеп, бес балабақша, ам­бу­латория, фельдшерлік-акушерлік пункт жә­не басқа да әлеуметтік-мәдени ны­сан­дар салынады.
Бұл жобаны жүзеге асыру жүк по­йы­з­да­рының жаңа бағыттарын ашып, жол ұзақ­тығын қысқартып, жүк тасымалын едә­уір жеңілдетеді. Нәтижесінде өңір кә­сіпорындарының дамуына жаңаша серпін бе­реді. Аймақтың экспорттық әлеуетін арт­тырады, әлеуметтік инфрақұрылым ны­сандары ашылады, мыңдаған жұмыс орындары құрылады деп күтілуде. Құ­ры­лыс барысында жергілікті еңбек ресурс­та­ры, құрылыс материалдарын, құрал-жаб­дық­тар мен техникалар пайдаланылады.