Түргеш теңгесі табылды

Қыс маусымында қазу жұ­мыс­тарын тоқтатуға мәж­бүр бол­ған археологтер біраз уақыт­тық демалыстан кейін «Ежелгі Тараз» аумағындағы жұмыс­тарын қайта бастады. Күрек тиген алғашқы қадам сәтті болды.
Зерттеушілер ежелгі монша орнын тапты. Оған арнайы су құбыры жүргізілген. Кере­мет керамиканың сынықтары мен тең­ге­лер де табылды. Археологиялық қаз­ба жұмыстары «Археологиялық зерт­теу» мекемесі мен лондондық колледж ұжы­мымен бірлесе жүргізілуде. Әзір­ге қазу жұмыстары аз ғана аумақты қам­тып отыр. Бірақ табылып жатқан құн­ды дүниелер қомақты. Моншаның қабыр­ғасына қалан­ған қам кірпіштердің ғалымдар VIII-IX ға­сыр­ларға жататынын айтуда. Жылу беретін еден және ыстық су беретін құбыр­лардың құрылысы осы уақытқа дейін жақсы сақ­талған. Жәді­гер­лерге қарап, сол уақыт­тың өзінде Таразда су құбырының жүргі­зілгені белгілі болып отыр. Зерттеулер қала­да зергерлік, темір ұсталығы мықты дамыған­дығын көрсетіп берді. Жолдар тас плита­лармен жабылған. Ежелгі Таразда қо­ла­дан жасал­ған «түргеш теңге» деген жазуы бар ақша табылды. «Осында құйыл­ған теңге­лер­мен есеп айы­рысу Орталық Азия­да VIII және X ғасыр­ларда орын ал­ған» дей­ді ға­лымдар. Кера­микалық бұйым­дар мұнда түр­лі ислам, христиан, будда діндері өкіл­де­рінің ғұ­мыр кешкенін дә­лел­дей­тіндей.