Жабылу салтанатын ел болып тамашалаймыз

Ақ Азиаданың жабылу салтанаты еліміздің барлық аймағында LED экрандар арқылы тікелей көрсетілмекші. Қала берді, республикалық орталық телеарналар үйдегі көгілдір экраннан тағы да тікелей трансляция ұсынатынын естен шығармаңыз.
Естеріңізге тағы бір салып өтейік, еліміз абы­роймен өткізіп жатқан маңызды спорт­тық шараның қорытынды салтанаты Ал­ма­ты қаласында, Балуан Шолақ атындағы спорт сарайында өтпек. Қала әкімдігі ма­ман­дарының мәліметінше, бұл күні Ал­ма­тының алты ірі орталығында бұл шара LED эк­рандар арқылы тікелей көрсетіледі. Балуан Шолақ атындағы сарайға шақыру би­леті жоқ көрермендерге осы бастан құ­лақ­қағыс – LED экрандар сол сарайдың жа­нына, «Арбат» демалыс алаңқайына, «Ата­кент» сауда орталығының кіреберісіне, «Ал­маты Мега орталығы» сауда үйіне, «Ас­та­на» алаңына және Шаңғы трам­плин­де­рі­нің халықаралық кешеніне орналас­ты­рыл­мақшы. Ал «Қазақстан», «Еларна» жә­не «Хабар» телеарналары тарататын ті­ке­лей трансляцияны көпшілік болып кө­ңіл­ді жағдайда тамашалау үшін Азиаданы өт­кізу жұмыстарына тартылған қаладағы бірқатар ірі дәмхана-мейрамханаларға да бас сұғуға болады. Маңызды шара елі­міз­дің басқа да қалаларында LED экрандар ар­қылы көрсетіледі.