Заманауи сауда орталығы Қазығұрт ауданының әлеуетін арттырады
Қазығұрт ауданы аумағынан өтетін республикалық маңызы бар "Алматы-Термез" автомагистраль жолында орналасқан 94 нысанға зерделеу жұмыстары жүргізіліп, Қазақстан Республикасы Үкіметінің 2001 жылғы 17 шілдедегі «Жол шаруашылығын қүқықтық қамтамасыз етуді жетілдіру туралы» №245-ІІ қаулысында белгіленген жер бөлу нормалары мен санаттарына I техникалық жолдар үшін жолдардың осінен 35 метрден белгіленуіне сәйкес келуі жөнінде түсінік жұмыстарын жүргізу нәтижесінде заңсыз салынған 20 нысан бұзылды, - деп хабарлайды "Алаш айнасы" rgmedia.kz ақпараттық порталына сілтеме жасап.
Сонымен қатар, Шарапхана ауылы округінен өткен республикалық маңызы бар автомагистраль жолының 741-785 шақырымы бойындағы заңсыз салынған нысандары мемлекеттік құрылыс нормалары мен ережелерінің талаптарын сақтамай салынған 14 құрылыс нысандарын ОҚО сәулет-құрылыс бақылауы басқармасына заңдылығын тексеріп, тиісті шара қолдану үшін хаттар жолданып, ескерту хаттар берілді.
Бүгінгі таңға 8 нысан иелері сотқа тапсырылды. Оның 5-не айыппұл салынып, бұзылуға шешім шығарылды. Ал 3 нысан сотта қаралып жатса, 1 нысан иесі өз еркімен бұзды. Қалған нысандар бойынша қайта ОҚО сәулет-құрылыс бақылау басқармасына заңдылығын тексеруге жолданып, осы жылдың 22 тамызы күні сотқа тапсырылады деп күтілуде.
Республикалық маңызы бар «Алматы-Термез» автомагистралі жолының бойынан заманауи талапқа сәйкес сауда орталығын салуға жобалық сметалық құжаты әзірленіп, жалпы егжей-тегжей жоспарын әзірлеуге облыстық бюджеттен қаржы қаралып отыр.
