Жастар үйленуге асықпайды: бір жылда неке саны 15%-ға азайды
Барлық некенің ең азы Солтүстік Қазақстан облысында тіркелген.
2022 жылдың қаңтар-маусым айларында Қазақстанда 55,1 мың жұп неке қиды. Бұл бір жыл бұрынғыдан 15,2% аз, деп хабарлайды Zakon.kz.
Тіркелген неке саны
Қалаларда некеге тұру саны бір жылда 5%-ға, яғни 42,6 мыңға дейін, ауылдарда бірден 38,1%, 12,5 мыңға дейін қысқарды. Өңірлік тұрғыда жұптардың көбі некесін Алматыда тіркеді: 7,1 мың, бұл бір жыл бұрынғыдан 14,7% аз.
Үздік үштікке сонымен қатар халқы тығыз орналасқан Түркістан (6 мың, жылына минус 16,9%) және Алматы (5,6 мың, минус 17,1%) облыстары енді. Барлық некенің ең азы Солтүстік Қазақстан облысында тіркелген: небәрі 1,5 мың, оған қоса жылына 2,6%. Бұл туралы Ranking.kz зерттеуінде жазылған.
Ажырасулар көрсеткіші
Биыл бірінші жартыжылдықта ажырасулар саны 9 мың болды, бұл бір жыл бұрынғыдан 5% аз. Қалаларда ажырасулар саны жылына 3,1%, 7,1 мыңға дейін, ауылдарда 11,8%, 1,9 мыңға дейін азайды.
Тіркелген ажырасулар саны бойынша "көшбасшылар" Алматы (1,2 мың), Алматы (1 мың) және Қарағанды (937) облыстары болды. Ең аз ажырасу Қызылорда облысында байқалды: небәрі 201.
Елімізде неке қию көрсеткіші 1000 адамға шаққанда 6,89-дан 5,77-ге дейін төмендеді. Ең жоғары көрсеткіш елордада белгіленді: 1000 адамға 7,99. Үздік үштікке Алматы қаласы мен Атырау облысы да кірді.
Ажырасу көрсеткіші 1000 адамға 1-ден 0,94-ке дейін төмендеді. Өңірлік тұрғыда ажырасу Павлодар, Қарағанды және Ақмола облыстарында көбірек байқалды.
Қазақстанда сот шешімі негізінде некені бұзуды тіркеу тәртібі автоматтандырылды. Мәліметтер Әділет министрлігінің ақпараттық жүйесіне автоматты түрде енгізіліп, неке қию туралы жазбаға оның бұзылғаны туралы белгі қойылады.
Некені тіркеу мерзімі екі есе қысқарды. Енді қазақстандықтар өтініш бергеннен кейін 15-күні куәлікті ала алады.
