Жезқазғанда құрылыс алаңынан 11 миллион теңгенің құбырлары ұрланды
Қазір тергеу амалдары жүргізілуде.
Жезқазғанда салынып жатқан нысан аумағынан 11 миллион теңгенің металл пластикалық құбырларын ұрлағандар ұсталды, деп хабарлайды Polisia.kz Telegram арнасы.
Жезқазған қалалық полиция басқармасы криминалдық полиция бөлімінің қызметкерлері жедел-іздестіру іс-шараларының барысында металл құбырларды ұрлағанын мойындаған 32 және 37 жастағы Жезқазған қаласының екі жұмыссыз тұрғынын ұстады.
“12 қаңтары сағат 12:39-да Жезқазған қаласының полиция бөліміне қалада орналасқан салынып жатқан нысаннан белгісіз тұлғалардың металл пластикалық құбырларды ұрлағаны туралы хабарлама келіп түскен. Келтірілген шығынның жалпы сомасы 11 миллион теңгеден астам. Жедел-іздестіру іс-шараларының нәтижесінде күдіктілер уақытша ұстау изоляторына қамалды, айғақты заттар тәркіленді”,- делінген хабарламада.
Қазір тергеу амалдары жүргізілуде.
