Алматтың әзілдері

Қожанасырдың жұмыссыз жүргенін көрген пади­шаһ:
– Бүгіннен бастап менің аспаздарымның бастығы бол, – дейді.
– Құп болады, тақсыр! – дейді Қожанасыр.
Бірнеше ай өткен соң, падишаһ оны шақыртады. Қо­жа­на­сыр домаланып семірген.
– Үйіңіздің есігі сізге көп ұзамай тар бола ма деп қор­қа­мын, – дейді падишаһ.
–  Тақсыр, есік уайым бола қоймас, оны кеңейтуге бола­ды ғой, тек мен сізден үлкен үй сұраймын ба деп жүр­мін, – депті Қожанасыр.
***
Бір мекеме бастығы көмекшісін күнде газет сататын дүң­гір­шекке жұмсап, «Алаш айнасын» алдыртады екен. Бір жыл бойы бұған үнсіз төзіп жүрген әлгі көмек­ші­нің ақыры шыдамы таусылып, бір күні бастығына:
– Басеке, аптасына бес рет мені жұмсағанша, ты­ны­шы­нан бір жылға жазыла салмайсыз ба, – деген екен.
***
8 наурыз мерекесінен соң. Екі еркектің әңгімесінен:
– Сен әйеліңді құттықтадың ба?
– Немене, бүгін тағы 8 наурыз ба?