Алматтың әзілдері

Ауруханада жатқан науқастардың палатасына бір адам кіріп:
– Өткен айдың жиырма бесінде  кім анализ тапсырып еді?
– Мен!
– Бойыңыздың өлшемі қандай?
– 1 метр 75 сантиметр.
Әлгі адам жазып алып, кетіп бара жатқанда науқас соңынан:
– Дәрігер, сонымен анализім не болды?
– Мен дәрігер емеспін. Мен  табыт жасайтын ұстамын.
***
Математика мұғалімі оқушының қате толған дәптерін қарап отырып:
– Екеуміздің біреуіміз есімізден адасқан шығармыз, – деп ашуланады.
Келесі күні әлгі оқушы мұғалімнің үстеліне бір жапырақ қағаз қояды.
– Бұл не?
– Менің есімнің дұрыстығы туралы медициналық анықтама...
***
Жазушы қаламдас досына:
– Менің соңғы романымның негізінде кино түсіргелі жатыр, сен соны оқып па едің?
– Жоқ, киносын көре саламын...