Алматтың әзілдері

Министр мен депутат соттасып жатыр. Сот оты­ры­сына журналистер қатыстырылмады. Процесс аяқ­талған соң судьядан сұрап жатыр:
– Қандай үкім шығарылды?
– Прокурор 15 жылға бас бостандығынан айы­рыл­ды.
***
Бомждан сұрап жатыр:
– Қандай тілегің бар?
– Қоқыс контейнерлерін кішкентай етіп жасаса екен, әйт­песе, я бойымыз жетпейді, я ішіне түссек, шыға алмай қа­ла­мыз.
***
Екі еркек әңгімелесіп отыр. Біреуі:
– Ұмытып қалдым, әйеліме тоғыз саптыаяқ сыра ішіп, сағат 2-де келем дедім бе, әлде екі саптыаяқ ішіп, сағат 9-да келем дедім бе?
***
Қыз бен жігіт «агентте» сөйлесіп отыр.
– Суретімді қабылдадың ба?
– Иә, әдемі екенсің. Ал анау гүл ұстап тұрған, түрі жаман қыз кім?
– Ол мен ғой...