Алматтың әзілдері

Апасы немересіне:
– Балам, даладағы гүлдерге су құйып кел.
–  Апа, далада жаңбыр жауып тұр емес пе?
– Қолшатырды ала шық...
***
Екі бозбаланың әңгімесінен:
– Енді, бетіме безеу шықпайтын болды!
– Қалайша?
– Бос орын қалмады.
***
Қақаған қыста қар құрсауында қалған аудан халқы­на гуманитарлық көмек ретінде екі вагон қарақұмық жіберіледі.
Көмекті қабылдап алған аудан басшысы:
– Көбірек сұрау керек еді, көктемге дейін қиналып қалмаймыз ба?
Орынбасары:
– Басеке, қорықпаңыз, піскенде ол төрт вагон бола­ды ғой.
***
Үй иесі келген қонағына отбасылық альбомды көрсетіп отыр:
– Мынау – біздің сынып. Мектеп бітірген кезіміз ғой.
– Арасында сіз жоқсыз ғой.
– Мен суретке түсіріп едім...