Алматтың әзілдері

Бойжеткен қыз сүйікті жігітіне:
– Өткенде сен біздің үйде қонақта болып едің ғой,  әпкем сені ұнатып қалыпты, жақсы жігіт екен дейді.
– Әпкеңнің маған көңілі кетіп жүр ме, сонда?
***
Әкесі баласына:
– Сен неге сабағыңды дұрыс оқымайсың, күн­де­лігің екілік пен үштік бағаға толып кетіпті.
Осы кезде әңгімеге баланың анасы араласып:
– Әкесі-ау, тура өзіңе тартқан ғой балаң...
***
Екі кішкентай бала әңгімелесіп отыр:
– Сенің атаңның шашы неге аппақ?
– Білмеймін, кішкентай кезінде борды көп жеген шығар...
***
Емханада. Науқас дәрігерге:
– Мына құрғыр дәрілерді қашанғы іше беремін?
– Сәл шыдаңыз, аз күнде сізге дәрі мүлде қажет болмай қалады...