Алматыда Ұлы Отан соғысының ардагерлеріне құрмет көрсетілді
Алматыдағы Достық үйінде 9 мамыр Жеңіс күніне орай және республикалық «Қамқор» акциясының аясында Ұлы Отан соғысының ардагерлеріне құрмет көрсетілді.
Алматы қаласындағы соғыс ардагерлері, тыл еңбеккерлері мен сұрапыл жылдары өмірге келген қариялар шақырылып, мерекелік дастарқаннан дәм татты. Қазыналы қарттар жиналған жастарға өткеннен сабақ алып, татулық пен бейбітшілікті көздің қарашығындай қорғауға үндеді. Ал өнерлі жастар майдангер ата-әжелеріне арнап, арнайы концерт қойып, ақ баталарын алды. Ұлы Отан соғысының ардагері: Бейсенғали Жұбаниязов "1943 жылдан бастап аяғына дейін болдым. Батыс фронт сонда Калинин, Смоленск бағытында болдым. Ухапчин деген қаланың түбінде жарақат алдым. Госпительде көп емделіп, қайтадан шығып, Кольский жартыарал деген жерге кеттік. Сонда соғыстың аяғына дейін болдым. 1950 жылы қайтып келдім" дейді. Жеңіс үшін жанын берген бабалар ерлігі ұмытылмақ емес. Іс-шараның ұйымдасытырылуына мұрындық болған Алматы қала әкімі аппаратының «Қоғамдық келісім» КММ директоры Жанат Мұрынова Осы айдың екісінен бері Алматы қаласындағы 86 соғысқа қатысқан ардагерлерді үйлеріне барып құттықтадық. Жақсы күймен, жақсы көңілмен қарсы алды. Ең жасы қазір 92-де - дейді.
Қала көлемінде қайырымдылық шарасы әлі де жалғаса бермек.
Еркенұр ЕРЗИЯ
