Lamborghini-дің танымалдығы рекордтық деңгейге жетті
Атмосфералы Huracan V10 мен жол талғамайтын Urus-қа сұраныс артуы қаңтар-маусым айларында сатылым көрсеткішінің былтырмен салыстырғанда 4.9 % өсуіне әкелді. Revuelto купесі әлі саудаға шықпады, алдыңғы тираж өз иелеріне табысталды, ендігі жаңасын шығаруға уақыт керек болады, - деп хабарлайды Alashainasy.kz тілшісі Кolesa.kz-ке сілтеме жасап.
Компания есебінде автоөндірушінің табысы 6.7 % артып (1.42 млрд еуро), операциялық кіріс 456 млн еуроға жетті және концерн үш есе пайдаға кенелді деп көрсетілген.
Lamborghini географиясына көз жүгіртсек, автомобильдің жартысынан көбі Еуропа, Таяу Шығыс және Африка елдеріне тараған (2285 автомобиль). Оңтүстік пен Солтүстік Америкаға 1857 көлік кеткен, 1199 машинаны Азия мен Тынық мұхиты аймағының жүргізушілері тізгіндепті.
АҚШ-та 1625 «ламбо» өткен, Ұлыбританияда — 514, Германияда — 511, Қытайда Гонконг пен Макаоны қоса алғанда — 450, Жапонияда — 280, ал өз отаны Италияда небәрі 270 авто сатылған.
Қазақстанда италиялық марканың Urus деп аталатын суперкроссовері сұранысқа ие, оның бағасы — 170–250 млн теңге.
Соңғы сағатта көп оқылған жаңалықтар осында Massaget.kz
