Адалдық ардың ісі
Қазақ қашаннан адалдықты ту еткен халықпыз. Оған дәлел Абай атамыз “Алдау қоспай, адал еңбегін сатқан, қолы өнерлі — қазақтың әулиесі сол” –деп айтқан болатын.
Келешек жас ұрпаққа сапалы білім, саналы тәрбие беру жолында ата –бабаларымыздың жолын жалғайтын адалдықты паш ететін «Адал ұрпақ» еріктілер клубының құрылуы көңілді қуантарлық жағдай.
Алматы қаласы, Алатау ауданына қарасты Қоңыр Мандоки атындағы № 154 жалпы білім беретін мектеп қабырғасында да «Адал ұрпақ» ұйымы 7-11 сыныптар арасында құрылып, директордың тәрбие ісі жөніндегі орынбасары Мусабекова Мақпал Жаныбекқызы басшылық етеді.
«Адал ұрпақ» ұйымының мақсаты жас ұрпақтың бойында сыбайлас жемқорлыққа қарсы мәдениет пен жауапкершілік , патриоттық сезімдерін қалыптастыру болып табылады.
Осы мақсатта Елбасының «100 нақты қадам»-Ұлт жоспарының 13-қадамының жемқорлыққа қарсы күресті күшейту міндеттерін іске асыруға мектебіміздің жас патриоттары да өз үлестерін қосуда.
Бұл тақырыпқа келгенде Шәкәрім Құдайбердіұлының адалдық турасында: Мақтан үшін мал жима, жан үшін жи, Ғибадат пен адалдық ар үшін жи, - деп айтқан өсиетін айтпай кету мүмкін емес.
№154ЖББМ кітапханашысы
Жанболатова Сәулеш
Мейрамбекқызы
