Ақмола облысында 23 жастағы жігіт колледж студентінен ақша талап еткен
Ағымдағы жылдың 13 қазанында Бурабай АПБ кезекші бөліміне Щучинск қаласының тұрғынының қала колледждерінің бірінің 2004 жылы туған оқушысынан сол оқу орнының студенті ақшалай қаражатты талап ететіндігі туралы хабарлама келіп түсті, деп хабарлайды zakon.kz.
Жедел-іздестіру шаралары барысында 23 жастағы жергілікті тұрғын анықталды. Бурабай АПБ тергеу бөлімі аталған факті бойынша 194-баптың 1-бөлігі "Қорқытып алу" бойынша сотқа дейінгі тергеу бастады.
Ақмола полицейлері 14 жастан бастап кісі өлтіру, зорлау, қорқытып алу және басқа да ауыр қылмыстар жасағаны үшін қылмыстық жауапкершілік туралы еске салады.
Тәртіп сақшылары қорқытып алушылық тек ақша алу мақсатында күш қолдану ғана емес, қорқытып алушылық деп бір нәрсемен, мысалы, қандай да бір әшкерелейтін ақпаратты жариялау қаупі де есептелетінін ескертеді.
Осындай құқыққа қарсы әрекеттерден зардап шеккендердің барлығын Н.Назарбаев даңғылы, 35 мекенжайы бойынша Ақмола облысының полиция департаментіне немесе 8 (7162) 29-10-07; 29-90-13, немесе "102"телефондары бойынша хабарласуды сұраймыз.
