Көктайғақ пен қатты желге байланысты оқушыларды мектепке жіберіп-жібермеуді ата-аналар өздері шешеді
Темірлан Байболов El maqtanyshy сыйлығын иеленді, бұған дейін ол ІОІ информатика пәнінен халықаралық олимпиадада күміс медаль жеңіп алған. Шығыс Қазақстан облыстық "Білім-инновация" мамандандырылған лицейінің оқушысы Темірлан Байболов El maqtanyshy сыйлығының иегері атанып, бір миллион теңге сыйақыға ие болды, деп хабарлайды Алтайньюс.
"Елбасы академиясының" мәліметінше, бұл сыйлық беделді халықаралық пәндік олимпиадаларда жүлделі орындарға ие болған оқушылар мен олардың жаттықтырушы-тәлімгерлеріне арналған.
Темірлан Байболов 2020 жылы ІОІ информатика пәнінен халықаралық олимпиадада күміс медальді жеңіп алған. El maqtanyshy &ndash оның екінші сыйлығы.
Он бірінші сыныптың озат оқушысы жаз бойы олимпиадаға дайындалыпты.
"Бұл жоба дарынды балалардың есімдерін дәріптейді. Олардың бас қосып, пікір алмасуына мүмкіндік береді. Материалдық көмек те қуантады, әлбетте. Әсіресе көп жағдайда есімі аталмай қалатын мұғалімдердің де еңбегі еленеді. Сонысымен ұнайды", &ndash дейді Темірлан.
Айта кетейік, El Maqtanyshy сыйлығы Нұрсұлтан Назарбаев қоры Елбасы Академиясымен бірлесіп "El Úmiti" бастамасы аясында тапсырады.
