Қазақстан мектептерінде күзгі демалыс қашан басталады
Бірінші тоқсан соңына дейін үш аптадай уақыт қалды. Тоқсан аяқталған соң оқушылар бір апта күзгі демалысқа шығады.
Қазақстан мектептерінде бірінші тоқсан аяқталуға жақын. Оқушылар 28 қазаннан бастап күзгі демалысқа шығады.
Білім және ғылым министрлігі 2019-2020 оқу жылына арналған оқушылар демалысының мерзімін бекітті. 2-11-сынып оқушылары 34 апта оқиды және 30 күн демалады. Ал 1-сынып оқушыларына қыста қосымша каникул қосылып отыр. Сондықтан олардың оқу мерзімі - 33 апта.
Қысқы демалыс қашан басталады
Екінші тоқсан 4 қарашада басталады. Оқушылар қысқы каникулға 30 желтоқсан күні шығады. 2-11-сынып оқушыларында 30 желтоқсан – 8 қаңтар аралығында демалыс болады. Ал 1-сынып оқушыларына ақпанда қосымша демалыс беріледі. Сондықтан олар 30 желтоқсан – 8 қаңтар және 3-9 ақпан аралығында демалады.
Көктемгі демалыс қашан басталады
Оқушылардың көктемгі демалысы 21 наурыз - 2 сәуір аралығына бекітіліп отыр. Төртінші тоқсан 3 сәуір басталады.
Ең ұзақ, яғни жазғы демалыс соңғы қоңыраудан кейін 26 мамырда басталады.
