№176 мектеп-гимназия оқушылары тәуелсіздік күнін атап өтті
Тәуелсіздіктің мәні мен маңызын жас ұрпақ ерте бастан сіңіруі тиіс! Мектеп қабырғасындағы оқушылар осыны ұғынғаны керек. Осы мақсатта Алматы қаласы, Наурызбай ауданына қарасты №176 мектеп-гимназиясының 4 сынып оқушылары мен сынып жетекшісі Гүлнәр Қыдырманқызы Тәуелсіздік күніне арнап тәрбие сағатын өткізді.
Егемендіктің қадірін біліп, бір минут үнсіздіктен кейін, «Тәуелсіз Қазақстанның болашағымыз!» деп ұрандатқан 4 сынып оқушылары көрермендерді тәнті етті. Салтанатты жиында оқушылар Желтоқсан тарихынан көріністер қойып, сыр шертті. Сонымен қатар көңілді әндер шырқалып, өлеңдер оқылды.
Мерекелік шараны тамашалауға Желтоқсан көтерілісінің қатысушылары Махсут Шаханович, Ақшагүл Құрмашевна, Қалдыгүл Тоқабековна арнайы шақырылыпты. Желтоқсаншылар өткен күнге шегініс жасап, жиылған қауымның жүрегін тебірентті.
Кеш соңын қазақ эстрадасының жарқын жұлдызы, әнші Роза Әлқожа Желтоқсан көтерілісі қатысушыларына және ұстаздар мен оқушыларға арнап әдемі әнімен аяқтады.
Алаш айнасы
