Амир Хан "Канелоның" қолғаптармен жасайтын қулықтары жайлы
2016 жылы мексикалық Сауль "Канело" Альварес (53-1-2, 36 КО) дивизион ауыстырған Амир Ханды (34-5, 21 КО) нокаутпен жеңген еді. Британиялық алтыншы раундқа дейін Альварестен басым келе жатқан, алайда, бір соққыдан есеңгіреп қалды. Мұны ол "Канело" қолғаптарында гәп болғандығымен түсіндірді.
"Бокста қолғапқа келгенде бәрі тең емес екенін үнемі айтатынмын. Әр жұбы бөлек келеді. "Канеломен" жұдырықтасқанда онда іші ат қылымен толтырылған "эверласт" болды. Ондайды киіп көргенміде дуалға тақалғандай әсер болды. Демек білегіңді жарақаттауың әпсәтте. Расында қатты еді. Ал тигенде сені бейсбол битасымен ұрғандай", - деп келтіреді британиялықтың сөзін vRINGe.com порталы Fighthype.com басылымына сілтеме жасап.
Ханның сөзінше, қолғапта көбік болғанда пішіні бірдей болып тұрады, ал аттың қылы артқа қарай сырғып, жиналып қалады. Осы кезде ашық қолмен ұрды деуге болады.
"Сені қолғапсыз ұрғанмен тең. Мұндайды жасамас едім, өйткені қолдарым соншалықты мықты емес. Сүйектерімді сындырар едім. Ал кейбірінің қолы мықты болғаны сондай қабырғаны жалаң қолмен ұра береді", - дейді Амир.
