Бокстан ӘЧ: Бүгін шаршы алаңға кімдер шығады?

Өзбекстан астанасы Ташкент қаласында өтіп жатқан әлем чемпионатының бесінші жарыс күні ел құрамасынан үш боксшы рингке шығады, - деп хабарлайды Alashainasy.kz тілшісі BAQ.KZ-ке сілтеме жасап.

Елорда уақытымен 14:00-де басталатын күндізгі сессияда Серік Теміржанов (57 келі) 1/16 финалда Мали елінен келген Абдул Карим Батилимен кездеседі.

Бұл А рингінде сол күні өтетін алғашқы жекпе-жек болып табылады.

Ал 19:00-де басталатын кешкі сессияда Нұрбек Оралбай (80 келі) турнирдегі алғашқы жекпе-жегінде әзербайжандық Мұрад Аллахвердиевпен А рингінде алтыншы жұпта қолғап түйістіреді.

Аталған рингте тоғызыншы жұпта Айбек Оралбай (92 келі) әлем чемпионатындағы екінші жекпе-жегінде италиялық Азиз Аббес Мухийдинмен кездеседі.

Ол алғашқы жекпе-жегінде болгариялық Радослав Панталеевті жеңген еді.

Айта кетсек, қазірге дейін ел құрамасынан Талғат Сырымбетов (60 келі) пен Санатәли Төлтаев (63,5 келі) жарыс жолынан шығып қалса, Қамшыбек Қоңқабаев жарысты жалғастыруда.