"5:32" сериалындағы актриса интимдік кадрларға қалай түскенін айтты

5:32 сериалында басты рөлді сомдаған актриса Әйгерім Дәлиеваның танымалдылығы күннен күнге артып келеді. Эксперсс К тілшісіне актриса ел естімеген сырын айтты. Актриса веб-сериалда Карина есімді адам жегіштің рөлін сомдайды.

instagram.com/5.32serial

Salem social media ұсынған "5:32" атты жаңа веб-сериал 11 қараша күні көрермен назарына жол тартты. Видеохикая кісі өлтіруші маньяктар жайлы. Сериалдың режиссері әрі сценариін жазған Әлішер Өтев.

Актриса Әйгерім "5:32" веб-сериалына дейін бірнеше комедия жанрындағы киноларға түскен. "5:32" видеохикаяда Дәлиева ашық сахнаға түскен. Онда сериалдағы әріптесімен сүйісіп, махаббат сахнасын көрсеткен.

Мен үнемі драма жанрындағы сериалда ойнағым келетін. Бұл менің үлкен армандарымның бірі еді. Ашық сахнада ойнау аса қиын болған жоқ. Сериалдағы серігім көмектесті. Шын өмірде мүлдем басқа адаммын. Бұл тек рөл, өнер, — дейді актриса.

instagram.com/5.32serial

Әйгерімнің анасы оның шығармашылығын қолдайды екен. Жақындары да түсіністікпен қараған.