Айгүл Иманбаева шығармашылық студиясын ашты
"Дағдарыс кезеңі жаңа бастама, тың идеялар керек" дейді белгілі әнші, актриса Айгүл Иманбаева. Еңбекке құштар қарапайым адамдар да, өнер жұлдыздары да дәл осындай кездерде өзінің жеке кәсібін ашатыны да заңдылық. Шоу-бизнес пен "А.И" театрын қатардан қалмай қоса алып жүрген Айгүл Иманбаева енді жас жеткіншектерге, талабы бар жас дарындарға арнап өзінің шығармашылық орталығын ашты.
2 желтоқсан күні Айгүл Иманбаеваның жаңа орталығы ресми түрде ашылды. Бұл туралы актриса өзінің инста парақшасында жариялады.
Орталықтың ашылу салтанатына Дулат Исабеков, Толымбек Әлімбекұлы, Есімм Сегізбаев, Роза Рымбаева, Мұрат Әбзелбаев, Тасболат Омаров, Ринат Білібаев, Азамат Сатыбалды, Әли Оқапов, Асылхан Төлепов, Ринат Заитов, Әсет Иманғалиұлы, Айгүл Бажанова,Ермек Елгезеков секілді Айгүлдің өнердегі аға-әпкелері, аға-бауырлары, достары қатысты.
Айгүлдің шығармашылық және даму орталығы оның аты және тегінің бастапқы әріптерінен құралып, AI-STUDIO деп аталады. AI-STUDIO Алматы қаласында орналасқан. Ол жерде балалар келесі бағыттар бойынша білім ала алады:
сахна және актер шеберлігі
вокал және музыка сабақтары
хореография
изостудия
спорт сабақтары
мектепке дейінгі дайындық
қосымша сабақтар
менталды арифметика
тілдік курстар
логика
риторика
Одан басқа, орталықта логопед пен психолог мамандар да жұмыс істейді. Ал болашақ әншілер мен жарнамаға тапсырсы берушілер үшін дыбыс жазу студиясы бар.
(1).jpg)
Айнұр Сенбаева
