Айсәуле Бақытбек анасы Баянның жаңа махаббаты туралы алғаш рет пікір білдірді
Танымал продюсер Баян Есентаеваның қызы Айсәуле Бақытбек анасының екінші рет тұрмысқа шығуына қатысты өз пікірін білдірді деп хабарлайды NUR.KZ.
Болған жайтқа қатысты пікірін ол 31 арнаның "Айта берсін" бағдарламасында айтып берді.
Айсәуле адамдардың өзіне қатысты айтқан сынын түсінбейтінін айтады.
"Адамдар мені "ата-анаңның өмірінде болып жатқан оқиғаларға бей-жай қарайсың" деп айыптады. Бірақ, мен түсінбейтінім, сонда мен ел алдына шығып жылауым керек пе? Әлде изолятордың алдына барып, сол жерге суретке түсейін бе? Мен елге ондай нәрселердің барлығын көрсеткен дұрыс емес деп санаймын. Уақыт өтіп, барлығы орнына келеді. Адамдар ерте ме, кеш пе осының барлығын түсінеді деген ойдамын", - деп өз наразылығын жеткізді Айсәуле.
Сонымен бірге, продюсердің қызы анасының екінші рет тұрмысқа шығуына қатысты да үндемей қалмады. Бойжеткеннің айтуынша, ол анасының бақытты болғанын қалайды екен.
"Бұл тамаша емес пе? Мен қуаныштымын. Анамның да, әкемнің де бақытты болғанын қалаймын. Олар бірге бақытты бола ма, әлде бөлек пе - ол маңызды емес", - деді ол.
Естеріңізге салсақ, жуырда Баян Мақсатқызы алматылық кәсіпкер Тұрсынғали Алагөзовтің үйлену туралы ұсынысын қабылдап, көктемде олар отбасы құру қуанышын атап өтетіндерін жеткізген болатын.
