Академиялық ұтқырлық – білім беру үрдісіндегі зор мүмкіндік

Жуырда М.Өтемісов атындағы Батыс Қазақстан мемлекеттік универ­ситетінде облыс әкімдігі, Бонн университеті (Германия), И.Гутенбург университеті (Германия), Климент Окридский атындағы София уни­вер­ситеті (Болгария), Ресей халықтар достығы университетінің бірлесуімен «Қазақстан Республикасы жоғары оқу орындарындағы академиялық ұтқырлық: тәжірибе және даму мүмкіндіктері» атты халықаралық ғылыми-тәжірибелік конференция өтті. Аталған шара мемлекет үшін аса маңызды оқиға – Қазақстан Республикасы Тәуелсіздігінің 20 жылдығы және БҚМУ-дың 80 жылдық мерейтойы қарсаңында өткізіліп отыр.
Конференцияның мақсаты – білім бе­ру­дің еуропалық кеңістігіне шығуды қам­тамасыз етудің негізгі бағыты ретінде ака­демиялық ұтқырлықты дамыту мәсе­лелерін талқылау, академиялық ұтқыр­лықты ұйым­дастыру тәжірибелеріне талдау жасау және сараптау, академиялық ұт­қырлық шең­берінде қазақстандық, ре­сейлік және ше­тел­дік жоғары оқу орын­дарымен ынты­мақтастықтың даму мүм­кіндіктері мен проблемаларын тал­қылау, қос дипломдық бағдарламасын жүзеге асыру және ұйым­дастыру, жоғары оқу орындарындағы ака­демиялық ал­масуды басқару бойынша жалпы ұсыныстар дайындау болып табыла­ды.
Халықаралық конференция шеңберінде академиялық ұтқырлық және білім сапасы, халықаралық білім кеңістігінде тұлға­ның кәсіби бейімделуі, академиялық ұтқыр­лықты енгізу бойынша мектеп, колледж және жоғары оқу орындарының өзара са­бақтастығы, мектептегі оқытуды ұйым­дастырудың жаңа технологиялары арқылы сапалы білім беруге қол жеткізу сынды мәселелер талқыланды.
Асхат Иманғалиев, БҚМУ ректоры:
– 2011 жылдың наурыз айында Бу­дапешт және Венада еуропалық елдердің білім министрлерінің ІІ фо­румында Қа­зақстанның Болон декла­рациясына кіруге түбегейлі шешім қа­былданған бо­латын. Қазақстан Респуб­ликасының Болон жүйесіне кіруі қазақ­стандық жоғары оқу орындары мен студенттер үшін отандық білім бағдар­ламалары мен оқу жоспар­лары­ның еуропалық стандарттарға сай жү­зе­ге асуы, жоғары білім туралы қазақ­стан­дық дипломның еуроаймаққа шығу мүмкіндігі, Болон жүйесіне кірген 47 мүше елде түлектердің жұмысқа орна­ласу құ­қығына ие болу, студенттер мен оқыту­шылардың академиялық ұтқыр­лығын қам­тамасыз етуде үлкен мүм­кіндіктерге жол ашады.
Академиялық ұтқырлық арқылы сту­дент­тер мен оқытушылар өз терри­то­риясынан тыс орналасқан елдердегі жоға­ры оқу орындарында оқу, оқыту, тәжірибе алмасу, ғылыми-зерттеу жүр­гізу және басқа мемлекетте білімнің толық курсын алуға зор мүмкіндікке қол жеткізеді. Сон­дықтан білім беру жүйе­сіндегі бұл мәсе­ленің жан-жақты, ха­лық­аралық деңгейде талқылануы ака­демиялық ұтқырлық мәселесінде жаңа қадамдарға бастайтыны сөзсіз.
Бұл конференция қатысушылардың географиялық ауқымының кеңдігімен ерекшеленді. БҚМУ-дың шетелдік әріп­тестерінің өкілдері Германия, Болгария, Ресейдің және Қазақстанның жоғары оқу орындарының ғалымдары қатысып, ака­демиялық ұтқырлықтың жоғары оқу орын­дарындағы жүзеге асырылу жол­дарымен бөлісті. Осы мәселелер шеңберін­де проб­лемалар мен оны шешудің тиімді жолдары талқыланды.