Алматы облысында мәдениет мекемелері көбейіп келеді

2006 жылдан бастап, Алматы облысында мәдениет үйлері мен клубтардың саны 225-ке жетті. Өңірде алдағы уақытта тағы 40-қа жуық мәдениет нысанын ашу жоспарланып отыр.
Алматы облыстық мәдениет басқар­масы мамандарының мәліметінше, кеңес­тік кезеңде аймақта 422 мәдениет үйі мен клуб халыққа қызмет көрсеткен. Оңтай­лан­дыру кезінде мәдениет ошақтарынан мән кетіп, олардың есігіне құлып салынғаны белгілі. Ғимараттары жекеменшікке, ұжым­­шарлардың балансына өткізіліп, тіпті көп­шілігі тас-талқан бұзылып та кеткен бола­тын.  2005 жылға дейін облыс кө­ле­мін­де 51 мәдениет үйі жұмыс жасап тұр­ған болса, соңғы төрт жылда мәдениет ошақ­тарының саны 225-ке жетті. Олардың көп­шілігі «Жол картасының» игілігін көріп, жа­ңа­рып, жаңғыртылуда. Биыл осы бағ­дарлама бойынша елді мекендердегі
11 мәдениет үйіне 663 264 теңге көлемінде қара­жат бөлініп, күрделі жөндеу жұмыс­тары жүргізілді. 12 мәдениет үйі облыстық бюджеттің 784 140 теңгесіне ағымдағы жөндеуден өтті. Жергілікті билік өкілдері алдағы уақытта тағы 40-қа жуық мәдениет мекемесін ашуды жоспарлап отыр.