Алты томға арқау болған...

Шәкәрім атындағы Семей мемлекеттік университетінің ректоры, профессор Ерлан Сыдықовтың жауапты редакторлығымен, ғалым Тұрдықұл Шаңбайдың құрастыруымен «Шәкәрімтану мәселелері» сериялық ғылыми жинағының 6-томы «Рарирет» баспасынан жарық көрді.
«Шәкәрімтану мәселелерінің» алтын­шы кітабы үш бөлімнен тұрады: «Мақа­лалар», «Мемуар-эссе» және «Ғылыми сұхбат». Сериялық ғылыми жинақтың «Мемуар-эссе» бөлімінде Ш.Елеукеновтің «Бес арыс қалай ақталды?» атты Шәкәрім шығармашылығын ақтау жөніндегі, ақын­ның қайта оралуы туралы нақты деректер берілсе, «Ғылыми сұхбат» бөлімінде Тұрдықұл Шаңбайдың «Әр басшының алдында «Ар ілімі» жатса...» атты мақа­ласы көрініс тапқан. «Мақалалар» бөлі­мінде Шәкәрім шығармашылығына бай­ла­нысты жазылған белгілі ғалымдар мен қаламгерлердің мақалалары енген.
Жинақта, негізінен, Шәкәрімнің ар­дақ­ты есімі мен шығармашылығы ақта­лып, халқына қайта оралғаннан кейін­гі жылдары жарық көрген мақалалар топтасқан. Бұл мақалалар болашақ шәкә­рімтану ғылымының өрісін байқатады.